Ikan Takat Pantai Serasa 'Unggah Garden'

Ikan Takat
'Pantai Serasa Unggah Garden'
12.05.09 @ 15.00 - 15.45 hrs

Belais Takat / Belais Tembaga

Penulis: 'iatah lurih ku ni... ikan yang aku sendiri pun inda tahu
nama ikan ani..' dan berat nya kira-kira 400 ke 500gram..

'usulnya damit, tapi kurang labih jua mcm ikan unggah
caranya meranjat umpan..'

'Kalau kan diikut..mulut ikan ani damit..,
tapi tebarus jua ia kan makan umpan kembura seekor-ekor..,
liat saja mata kail jenama sail fish no. 5
yang ada melekat pada mulut ikan ani..'

memang sudah menjadi kebiasaan.., apa2 pun jua ikan
yang diperolehi pasti di hidupkan di dalam air..

"Kalau belurih bemasa..atau ikan layaran,
atau pun ikan pari or ikan pila-pila,
sama jua ku ikat dari ingsang
ku idupkan dalam air.. hehehe namanya jua kan mau fresh2.."

"Duhai tuan yang bijak bistari..
memancing ikan sambil bernyanyi-nyanyi,
cuba lah biskita tolong diri ku ini..,
cari kan ku nama ikan yang ku belurih tadi.."

Jawapan Dari Teman Memancing
Di Petik Dari Ruangan

ShoutMix "Apa Kata Biskita"

InginSigal: "lau nda ku silap bro lauk yg dpt
a2 belais takat jua x 2.."

PaDamit: "bro ironsilk lauk atu nama nya belais tembaga
tu yg ku tau lah, nyaman th bro lauk ah"

HafiCF:Ironsilk.. Mcm ikan buna usul nya..
Kalau matakail damit tangsi 15lb.. siok main nya ni.
Dulu selalu ku belurih d sangkar pelompong.

InginSigal : Ironsilk:lau ia bru2 a2 d salai nyaman 2
bro nda g nmpak telinga 2 bro.
nyamphhh3"

PaDamit au bnar tu injinsigal mun lauk takat ani
nyaman d salai tu bnar

PaDamit prasan ku buna ani bulat lebar lg bdan nya

Penulis: Untuk teman-teman yang berkesudian
menaburkan sedikit pengetahuan
di dalam ruangan ShouMix "Apa Kata Biskita"
kami mengucapkan ribuan terima kasih.
Kata-kata biskita akan kami simpan di dalam
laman ruangan dada blog ini
bagi sama-sama memperigatinya.
Sekian Terima Kasih

Belais Takat / Belais Tembaga

"Wahai ikan yang ganjil rupawan,
Ingat kan belais dan ikan ayam laut"

"Kau makan umpan ku sambil engkau melawan,
Ingatkan unggah rupanya engkau ikan takat yang tersangkut"
<>><<>><<>><<>> >><<>><< <>><<>><<>><<>>

Read more...

Menjerat Ungah Ditengah Hari

Pantai Serasa 'Ungah Garden' (UG)
11.05.2009 @ (Tengah Hari)

Keadaan air yang mula bergerak surut..
'kalau begerak surut bisai jua ni.., umban nya disebelah kiri pulang,
sebalah kanan inda dapat, pasal airnya bangat'

Paci yang Memakai Basikal :'adihh...dari pagi ku diujung.,
ada tariknya..tapi inda merait, ani bedar ditangah ku pulang..
bah kamu pulang diujung wang..
mana tahu ada rezeki kedikamu'

'bah paci kami pulang ke ujung ah..,
mana tahu nasib kami baik..pa ci..'

Mamat dengan seekor ikan ungah
hasil pancingan beliau, dengan menggunakan
tangsi biasa (fisherman) 40lbs.

'nah...alum sampai 5 minit pa ci lurih cia ku..'

'dulu-dulu gail sini inda pernah lurih unggah
kali ani ada rezeki ganyanya..'

"..lapas si Bob belurih, alat-alat 5 minit si Mamat lagi belurih ni..
beset.. kali udah ehy....masa-masa ungah makan ani..oleh bisdia.."

Bob dan Mamat
dengan ikan ungah hasil dari pancingan mereka.

Tangsi yang digunakan tangsi cina
50lbs & 60 lbs dan mata kail jenama Sail Fish Saiz NO: 4
kalau ada yang memakai mata kail jenama VMC bulih jua..,
Saiz No: 7 - 8

Mamat: ehyy..bob.. bisai ko ani.., baru2 turun ngail tarus
dapat ikan special.... :)
dulu aku time baru-baru turun ngail payah kan belurih ikan..'

"Anak ungah berenang-renang,
Sambil mengintai si anak kembura,

Nyaman tah dihati.. fikiran pun tenang,
Bila mendapat ungah kami berdua.."

Bob dengan ikan ungah yang beratnya kira-kira 1 kilo lebih
dan mamat dengan ungahnya hampir 1 kilo

Ironsilk: 'aii..., ini mereka berdua mengalah kan aku pulak.,
baru-baru turun dah dapat ikan ungah seekor seorang..'
apa-apa pun tahniah for both of you lah my brother2...' :)

Gambar Di Sumbangkan Oleh: Bob
<><><><><><><<>><<>><<>><><><><><><>

Wahai paci yang memakai basikal..,
berkaca mata hitam dan berambut ikal..,
kami bukan orang yang nakal..,
cuma ingin menimba ilmu setagal..

Read more...

Pantai Serasa 'Ungah Garden'

Pantai Serasa 'Ungah Garden'
10.05.2009 (pagi)

"Duhai buluh yang terpacak indah,
atas bawah kerikan diletak,
ibarat cincin tersimpan megah,
engkau ditatak, kian menjadi lah buntak"

'Jika menghidupkan lauk diair,
mesti lihat betul2 benda2 yang
berhayutan ani..,
takut2 ada pampers or ehem2 dicelah2 batu..
ujung2 berubah rasa lauk..'

"Bila meliat orang terabang ani.., siuk jua usulnya..
apa kah kiranya kalau mengumban umpan kembura dari
udara?? atau guna teknik jigging kah or popping kah atau trolling
pastinya menyeronokan..."

'Ibarat pandangan mata burung
dada laut sepuas mata memandang'

'Ibarat nyawa tergantung
mudahan hayat minta disambung'

Seekor ikan ungah yang beratnya kira2 400 ke 500 gram
'hari ani mama pulang kan masak asam pedas, ia mau
masak fresh2nya..
inda sampai belimpang di aisbox lauk ani, xpress
tarus kana masak.. :)'

Empat hari telah berlalu..,
Menanti mu menyeksa kalbu.,
Hari ini terubat rindu..,
Mendapatkan unggah yang kian lama di tunggu.
<<>><<>><<>><<>><<>><<>><<>><<>><<>><<>>

Read more...